Pétur Pan á Barnaspítala hringsins

Nói Páll, strákurinn minn, vaknaði í gær með mikla öndunarörðugleika. Þetta var býsna hrikalegt og hljóðin frá honum ekki þæginleg.
Við Bjarki fórum með hann á Barnasp um 11:30 í gærkvöldi. Við fengum svo ofboðslega góða þjónustu og yndislegir læknarnir sem tóku á móti okkur. Við erum að tala um yfirbarnalæknir þarna sem var eins og Pétur Pan / Patch Adam eða eitthvað álíka!! Ótrúlegt hvernig hann var í viðmóti. Hann var með galdrastaf í vasanum sem var ótrúlega skemmtilegur (glit og alls konar skraut sem hreyfðist í bláum og glærum vökva) og svo blés hann sápukúlur á meðan annar læknir var að hlusta Nóa Pál. Þetta virkaði auðvitað því þarna gat hann náð að hafa áhrif á hversu ört hann andaði. Þetta skiptir gríðarlegu máli þegar fólk er í ástandi og auðvitað hrætt, að læknirinn sé verndarinn þeirra. Við vorum roslaega ánægð og Nóa líður nú vel. þarf að vera heima í 2-3 daga, er með smá hita og hálsóþægindi. Fengum steratöflur, vatnsleysanlegar, sem hann tekur næstu 2 daga til að minnka bólgurnar í hálsinum.

Takk takk fyrir meiriháttar framlag..svo er alltaf verið að reyna minnka mannaflið á þessum spítölum og þá auka álagið á þá fáu sem eftir standa...og takmarka peningana sem renna til þessarra stofnanna??

Athugasemdir

[Katrín Snæhólm Baldursdóttir, 7.1.2008 kl. 12:08]

Sæl Sandra..gott að Nóa þínum líður betur..og frábært að lesa um svona fallega og góða lækna. Ég er líka listmálari og sonur minn heitir Nói og ég lifi og hræsrist í miðri Reykjavíkinni og á helling af ættingjum á Seyðisfirði en ég var þar töluvert þegar ég var lítil. Svona liggur stundum lífið samhliða annarra lífum..