Óþolandi á köflum

Það er alltaf verið að leggja áherslu á að starfsfólk sýni kurteisi, heilsi, bjóði góðan dag og þakki fyrir komuna og allt það. Maðurinn minn var í Bandaríkjunum um daginn og tók áberandi vel eftir hvernig starfsfólk hafði önnur réttindi en hér heima. Þarna úti var almenn kurteisi frá báðum aðilum. Starfsfólki er skyldugt að sýna kurteisi og kúnnum þannig séð sömuleiðis. Séu kúnnar ókurteisir hefur starfsfólkið rétt á að sýna því viðbrögð og jafnvel neita um þjónustu ef kúnninn er of dónalegur. Ég man þegar ég fór í Jóa Fel í 1 sinn og ætlaði að gera mér og fjölskyldunni glaðan dag. Það stakk mig að stúlkurnar í afgreiðslunni buðu ávallt góðan dag en alltof margir hunsuðu það og voru hreint út sagt ömurlegir í framkomu. Ég gat ekki annað en hugsað..er þetta sanngjarnt álag á starfsfólk, fólk sem er undir álagi í vinnu þurfi að líða svona framkomu.   Fólk sem kemur inní verslun er að sjálfsögðu oft í annarlegu ástandi en fyrr má nú vera að taka þetta út á afgreiðslufólki. Allir eiga misjafna daga, það hlýtur að vera hægt að sleppa framhjá afgreiðslunni án þess að úða yfir starfsfólkið.

Atvinnuveitendur ættu að setja upp spjöld með athugasemd til kúnna að sýna almenna kurteisi og virðingu rétt eins og starfsfólk geri. Þetta ætti að vera almennt viðurkennd regla.